Бата беру де – өнер
Қазір тілек пен батаны ажырата алмайтындар бар. Екеуінің ұғымы бір болғанымен, айтылуында ерекшелік бар. Ақиқаты сол, бүгінде бата беретін қариялар қатары сиреп барады. Сондықтан өскелең ұрпақтың бойына осы дәстүрді қайта жаңғырту үлкен жауапкершілік жүктейді. Осы мақсатпен жақында Көктөбе ауылдық клубының ұйымдастыруымен «Бата – тәрбие бастауы» атты ауыл қарияларымен кездесу ұйымдастырылды. Балаларға бата туралы мағлұмат беру, осы тақырып төңірегінде ой қозғау және ашық диалог ретінде ұйымдастырылған рухани шараның мәні зор.
100-ге жетпейтін түтіні бар ауылда абыз ақсақалдар саусақпен санарлықтай. Сол үлкен буынның айтары аз емес. Сондықтан осындай рухани жиындардың жиі өткізіліп тұруы көңілге көп демеу.
Жанель ЖҮСІП
