«Кемеңгер ұстаз» байқауында бас жүлдеге ие болған Гүлмира Егизбаева
Ұстаз – зиялы қауымды қалыптастырушы. «Жанам деген жүрекке от беріп», білімді де, тәрбиені де, мәдениетті де, парасаттылықты да жас бүлдіршіннің бойына сіңдіріп, көкірек көзін оятушы жанның қадір-қасиеті қашан да жоғыры. Біз мұны Республикалық «Кемеңгер ұстаз» байқауында бас жүлдеге ие болған Гүлмира Егизбаеваның бойыннан байқадық. Білікті ұстаз осы марапатқа қалай ие болды? Осы турасында сөз етсек.
Ол 1971 жылдың 19 қазанында Ақүйік ауылында дүниеге келді. Сондағы №55 мектепте білім алып, 1986 жылы 8-сыныптан кейін Қызылорда қаласындағы М.Мәметова атындағы педагогикалық училищеге оқуға түсті. Үйдің үлкені болып, өзінен кейінгі қос бауырына қарайласып, анасына жәрдемші болды. Ардақты әкеден 3 жасында айрылып, тұңғыш перзент болған соң, жұмысқа да ерте араласты.
Оқуда алғыр оқушылар қатарында болып, 1990 жылы педагогикалық училищені үздік тамамдап «бастауыш сынып мұғалімі» мамандығын алып шықты. Осы жылы өзі білім алып, түлеп ұшқан №55 мектебіне жұмысқа орналасады. Мақсаты – анасына қолғабыс жасап, талапкерлерге сапалы білім беру болды.
Алғашқы еңбек жолын еске алған Гүлмира Жарылқасынқызы: «Мамандығымды өте жақсы көріп, қызығып жұмыс атқардым. 1993 жылы мектебімізде аудандық семинар өткізіліп мен онда білікті аудан майталман мұғалімдер алдында ашық сабақ өткіздім. Семинарға жиналған көпшілік сабағыма жоғары бағасын берді. Сол кезде аудандық білім бөлімінде бастауыш сыныптар әдіскері, білікті маман Әсима Құлымбетова еді. Семинарда өткен сабағымды жоғары бағалап мені Республикалық «Атаулы мектепке» мүшелікке ұсынатынын айтты», – деді ол.
1993 жылы аталмыш «Атаулы мектептің» мүшелігіне қабылданады. Осы күннен бастап қайнаған қызу жұмыс басталады. Аудандық, облыстық семинар, треннинг секілді ауқымды шаралар жалғасты. Биыл тынбай еңбек етіп келе жатқанына 30 жыл толатын тәлімгердің жеткен жетістігі көп-ақ. Соңғы жылдарды сөз етсек, оқушыларым аудандық, облыстық, республикалық сайыстар мен олимпиадалардың жүлдегерлері болыпты. Оның тәжірибелері 2000 жылы іс-тәжірбиесі Республикалық «Бастауыш мектеп» журналына жарияланды. 2015 жылы оқушысы Әсет Әйгерім облыстық олимпиаданың 1 орын жүлдегері атанып, осы жылы Республикада бағын сынап жүлделі 2-ші орын алды.
1995 жылы Өзгент ауылдық округіне қарасты Ақсуат елді мекеніне тұрмысқа шығып, №245 мектебінде ұстаздық жолды жалғастырды. Бұл білім ошағына келгенде де көптеген семинар сабақтар ұйымдастырып, әріптестермен өз іс-тәжірбиемен бөлісті. «Оқу инемен құдық қазғандай демекші» талапты жастардың зейінін ашып, білімге, ғылымға құштарлығын оятты.
2003 жылы Қызылорда қаласындағы «Болашақ» университетіне оқуға тапсырып, жоғары білім алып, деңгейін көтерді. Мектеп ішілік шараларда түрлі жанрда өнер көрсетіп, музыкалық аспаптарда ән шырқайтыны тағы бар. Тәжірибелі маман әріптестер арасында беделі оны директордың тәрбие ісі жөніндегі орынбасары қызыметінен көрінуге итермеледі.
Бірақ отбасы жағдайына байланысты бұл қызметті ұзақ атқара алмай, өз қалауы бойынша қызметтен бас тартты. Бүгінде өзін-өзі тану пәнінің мұғалімі.
2019-2020 оқу жылындағы жеткен жетістіктері көп. Аудандық олимпиадада 11-сынып оқушысы Оңласын Назгүл ауданнан 1 орын алып, облыстық Олимпиадада 3-ші орын иегері атанды.
Қазіргі таңда жоғарғы санатты педагог-зерттеуші ұстаз «Дарын» онлайн платформасының ұйымдастыруымен өткізілген «Кемеңгер ұстаз» онлайн тестке қатысып 1 орын алды. Бұл кез-келген ұстаз бағындыра бермейтін жетістік деуге болады. Онлайн тесті шешуге 40 мин уақыт беріледі. Осы уақыт ішінде 20 сұраққа жауап беру қажет. Бұл туралы:
– Сұрақтар педагогика, психология, тәрбие мен білім төңірегенде келді. Логикалық ойлау, тәжірбие, теория мен курстардан алған білім, білігімнің арқасында осындай нәтижеге жеттім деп ойлаймын, – дейді ұстаз.
Кемеңгер ұстаз атанып, беделі биіктей түскен ұстаз жалғыз өзі ұл-қызын өсіріп отқан жайы бар. Жары Мұрат Әбдіхаликовқа тұрмысқа шығып, екеуі 6 жыл баянды шаңырақ құрды...
– Отағасынан 30 жасымда қапияда айырылып қалдым. Ол осы заманның қаһарман батыры десем артық айтқандық болмасын. Олай дейтінім 4 бірдей өрімдей қыздың өмірін арашалап қалу үшін барын салды, – деп еске алады кейіпкеріміз.
Оқиға 2001 жылдың бірінші мамырында болған. Ауылдың жанында үлкен көлдің жағасында менің жарым достарымен демалып отырады. Онда біршама студент ұл-қыздар қайықпен қыдырып жүреді. Жастар қарап отырсын ба, қайық үстінде би билейді, бір-бірімен алысады. Сол кезде қайық аударылып, 10 шақты адам суға құлайды. Улаған-шулаған дауыс сол маңда отырған адамдарға естіледі. Суға батып жанталасып жатқан қыздарды құтқармақ болып Мұрат тұра жүгіреді. Содан судағы төрт бірдей қызды аман-есен құтқарып қалады. Төртінші қызды құтқарып жатып аяғының тамыры тартылып, өзі суға батып кетеді.
– Мұраттың осындай көзсіз батырлығын мақтан етемін. Жақсыдан қалған ұрпағы бүгінде есейіп, ержетті. Екеуі де мектепті жақсы бітірді. Бір-бір мамандығын алып, өз өмір жолын табуда, – дейді ол.
Өмір көрген, ой түйген жанды әріптестері де жақы көреді. Гүлнар Егізбаеваның бойындағы өнерді, мәдениетті, сыйластықты үлгі ететін жастар да табылады. №245 мектеп директорының орынбасары Нариман Үсенов: «Гүлмира апай біздің ұстазымыз. Барлық ұжым мен оқушылар Гүлмира апайдың адамгершілік қасиетін, болмысын, жігерін үлгі етеді. Ақылшымыз, жанашыр жақынымыз», – деді.
Қиындыққа мойымай, өмірде өз жолын тауып, ізі қалуда еңбек еткен жанды «Кемеңгер ұстаз» деп дәріптейміз!
Мақпал ПАТЕНОВА
Ол 1971 жылдың 19 қазанында Ақүйік ауылында дүниеге келді. Сондағы №55 мектепте білім алып, 1986 жылы 8-сыныптан кейін Қызылорда қаласындағы М.Мәметова атындағы педагогикалық училищеге оқуға түсті. Үйдің үлкені болып, өзінен кейінгі қос бауырына қарайласып, анасына жәрдемші болды. Ардақты әкеден 3 жасында айрылып, тұңғыш перзент болған соң, жұмысқа да ерте араласты.
Оқуда алғыр оқушылар қатарында болып, 1990 жылы педагогикалық училищені үздік тамамдап «бастауыш сынып мұғалімі» мамандығын алып шықты. Осы жылы өзі білім алып, түлеп ұшқан №55 мектебіне жұмысқа орналасады. Мақсаты – анасына қолғабыс жасап, талапкерлерге сапалы білім беру болды.
Алғашқы еңбек жолын еске алған Гүлмира Жарылқасынқызы: «Мамандығымды өте жақсы көріп, қызығып жұмыс атқардым. 1993 жылы мектебімізде аудандық семинар өткізіліп мен онда білікті аудан майталман мұғалімдер алдында ашық сабақ өткіздім. Семинарға жиналған көпшілік сабағыма жоғары бағасын берді. Сол кезде аудандық білім бөлімінде бастауыш сыныптар әдіскері, білікті маман Әсима Құлымбетова еді. Семинарда өткен сабағымды жоғары бағалап мені Республикалық «Атаулы мектепке» мүшелікке ұсынатынын айтты», – деді ол.
1993 жылы аталмыш «Атаулы мектептің» мүшелігіне қабылданады. Осы күннен бастап қайнаған қызу жұмыс басталады. Аудандық, облыстық семинар, треннинг секілді ауқымды шаралар жалғасты. Биыл тынбай еңбек етіп келе жатқанына 30 жыл толатын тәлімгердің жеткен жетістігі көп-ақ. Соңғы жылдарды сөз етсек, оқушыларым аудандық, облыстық, республикалық сайыстар мен олимпиадалардың жүлдегерлері болыпты. Оның тәжірибелері 2000 жылы іс-тәжірбиесі Республикалық «Бастауыш мектеп» журналына жарияланды. 2015 жылы оқушысы Әсет Әйгерім облыстық олимпиаданың 1 орын жүлдегері атанып, осы жылы Республикада бағын сынап жүлделі 2-ші орын алды.
1995 жылы Өзгент ауылдық округіне қарасты Ақсуат елді мекеніне тұрмысқа шығып, №245 мектебінде ұстаздық жолды жалғастырды. Бұл білім ошағына келгенде де көптеген семинар сабақтар ұйымдастырып, әріптестермен өз іс-тәжірбиемен бөлісті. «Оқу инемен құдық қазғандай демекші» талапты жастардың зейінін ашып, білімге, ғылымға құштарлығын оятты.
2003 жылы Қызылорда қаласындағы «Болашақ» университетіне оқуға тапсырып, жоғары білім алып, деңгейін көтерді. Мектеп ішілік шараларда түрлі жанрда өнер көрсетіп, музыкалық аспаптарда ән шырқайтыны тағы бар. Тәжірибелі маман әріптестер арасында беделі оны директордың тәрбие ісі жөніндегі орынбасары қызыметінен көрінуге итермеледі.
Бірақ отбасы жағдайына байланысты бұл қызметті ұзақ атқара алмай, өз қалауы бойынша қызметтен бас тартты. Бүгінде өзін-өзі тану пәнінің мұғалімі.
2019-2020 оқу жылындағы жеткен жетістіктері көп. Аудандық олимпиадада 11-сынып оқушысы Оңласын Назгүл ауданнан 1 орын алып, облыстық Олимпиадада 3-ші орын иегері атанды.
Қазіргі таңда жоғарғы санатты педагог-зерттеуші ұстаз «Дарын» онлайн платформасының ұйымдастыруымен өткізілген «Кемеңгер ұстаз» онлайн тестке қатысып 1 орын алды. Бұл кез-келген ұстаз бағындыра бермейтін жетістік деуге болады. Онлайн тесті шешуге 40 мин уақыт беріледі. Осы уақыт ішінде 20 сұраққа жауап беру қажет. Бұл туралы:
– Сұрақтар педагогика, психология, тәрбие мен білім төңірегенде келді. Логикалық ойлау, тәжірбие, теория мен курстардан алған білім, білігімнің арқасында осындай нәтижеге жеттім деп ойлаймын, – дейді ұстаз.
Кемеңгер ұстаз атанып, беделі биіктей түскен ұстаз жалғыз өзі ұл-қызын өсіріп отқан жайы бар. Жары Мұрат Әбдіхаликовқа тұрмысқа шығып, екеуі 6 жыл баянды шаңырақ құрды...
– Отағасынан 30 жасымда қапияда айырылып қалдым. Ол осы заманның қаһарман батыры десем артық айтқандық болмасын. Олай дейтінім 4 бірдей өрімдей қыздың өмірін арашалап қалу үшін барын салды, – деп еске алады кейіпкеріміз.
Оқиға 2001 жылдың бірінші мамырында болған. Ауылдың жанында үлкен көлдің жағасында менің жарым достарымен демалып отырады. Онда біршама студент ұл-қыздар қайықпен қыдырып жүреді. Жастар қарап отырсын ба, қайық үстінде би билейді, бір-бірімен алысады. Сол кезде қайық аударылып, 10 шақты адам суға құлайды. Улаған-шулаған дауыс сол маңда отырған адамдарға естіледі. Суға батып жанталасып жатқан қыздарды құтқармақ болып Мұрат тұра жүгіреді. Содан судағы төрт бірдей қызды аман-есен құтқарып қалады. Төртінші қызды құтқарып жатып аяғының тамыры тартылып, өзі суға батып кетеді.
– Мұраттың осындай көзсіз батырлығын мақтан етемін. Жақсыдан қалған ұрпағы бүгінде есейіп, ержетті. Екеуі де мектепті жақсы бітірді. Бір-бір мамандығын алып, өз өмір жолын табуда, – дейді ол.
Өмір көрген, ой түйген жанды әріптестері де жақы көреді. Гүлнар Егізбаеваның бойындағы өнерді, мәдениетті, сыйластықты үлгі ететін жастар да табылады. №245 мектеп директорының орынбасары Нариман Үсенов: «Гүлмира апай біздің ұстазымыз. Барлық ұжым мен оқушылар Гүлмира апайдың адамгершілік қасиетін, болмысын, жігерін үлгі етеді. Ақылшымыз, жанашыр жақынымыз», – деді.
Қиындыққа мойымай, өмірде өз жолын тауып, ізі қалуда еңбек еткен жанды «Кемеңгер ұстаз» деп дәріптейміз!
Мақпал ПАТЕНОВА
