Пенсиям қанша?

Мәкеңнің әкесі Көкен 1957 жылы дімкәстігіне орай еңбектен қалып, пенсия шықпай қалады. Кейін бір мекемеге тіркетіп қояйын десе «Өтірік құжат қажет емес» деп көнбейді. Құрдастары пенсия келген сайын «Жүр, пенсиямызды алайық» деп әзілдейді екен. Сонда Көкен ақсақал: «Сендер айына бір рет пенсия алсаңдар, мен төрт рет аламын. Төрт балам бар емес пе? дейді екен. Мәкең өзінің газет-журналдардан қаламақыға келетін қаражатты бірде-бір рет өзі алмай, пошташыға әкесіне апарып бергізеді екен. Көкен ақсақал бірде: «Пенсиям көбейіп кетті ғой» десе, бірде: «Пенсия азайып кетті ғой, неге жазбай жүрсің?» – деп ескертіп отыратын болыпты.