Жаңақорған аудандық соты «Отбасылық сот» пилоттық жобасын халыққа насихаттау жұмысын жүргізді

    «Отбасылық сот» пилоттық жобаcы аясында Қызылорда облысы соттары мен Қызылорда облыстық білім басқармасы арасында атқарылатын «Отбасы-бақыт мекені» тақырыбындағы бірлескен іс шара жоспарына сай Жаңақорған аудандық сотының ұжымы отбасы құндылықтарын насихаттау мақсатында таратпа материалдар әзірлеп, сотқа келушілерге таратты.
      
  Түсіндіру жұмыстарын жүргізу барысында «Отбасылық сот» пилоттық жобасы Қазақстан Республикасының Жоғарғы Сотының бастамасымен жүзеге асырылып жатқанын, аталмыш сотты енгізудің мақсаты отбасы құқығын қорғау, отбасы құндылықтарын сақтау, ана мен бала құқығын қорғап, кәмелетке толмаған балалардың ата-анасымен келісімде өмір сүруіне, олардың тұлға ретінде қалыптасуына жәрдемдесу болып табылатынын және де жаңадан іске қосылатын жаңа қызметтің артықшылығы неде, қай міндеттемелерді атқаратынын,  кейінгі кезде елімізде болып жатқан отбасыға қатысты даулардың көп екендігіне байланысты «Отбасылық сот» пилоттық жобасы жүзеге асырылып жатқандығын түсіндірді.
                 
         Ақпарат: Жаңақорған аудандық сотының баспасөз қызметі.