Көмірқышқыл газынан уланбау үшін не істемек қажет?

Газдан иістену жылыту маусымы кезінде өте жиі кездесетін жағдайға айналды. Облыстық төтенше жағдайлар департаментінің мәліметі бойынша апта сайын газбен иістену бойынша 3-4 жағдай кездеседі және кейбір жағдайларда адам өлімімен аяқталады. Жаңақорғанда да былтыр осындай деректер жиі кездесті. Сондықтан оның алдын-алу іс-шаралары қатаң бақылауға алынды.

 Негізінен газ иісті және мүлдем иіссіз болып келеді. Иісті газбен уланғанын адам мүлдем сезбей қалуы мүмкін. Иісті газ ауа атмосферасына жанудың әсерінен пайда болып таралады. Ол газ және майлы пештер, ағаш, көмір пеші, газ құрылғылары, бассейндердегі су жылытқыштар және двигательдерден шығатын газдар. Өрт болып жатқан жерде немесе пеш құбырларының жарылуы, бітелген түтін жолдары, бітелген құбырлар,  тұрғын үй немесе басқа да жабық бөлмелерде иісті газдың жинақталуына әкеліп соқтырады. Адамдар сол иісті газбен ластанған ауамен дем алғанда уланады.

Иісті газбен улану белгілері бұлшық ет әлсіздігі пайда болады, бас айналып, құлақта шу естіледі, тұншығуы сезіледі. Сондай-ақ, жүрегі айнып, лоқсу пайда болады, адам сандырақтап, галлюцинация пайда болады, әрі естен танады. Естеріңізде  болсын, зардап шегуші адамды иісті газ концентрациясы бар жерде көмектесу үшін алдымен өзінің уланып қалмау қауіпсіздігін сақтау керек. Ол үшін қол орамал, дәке немесе киімдерді сулап сол арқылы тыныс алу керек.

Иісті газбен уланудың алдын-алу іс-шараларына пеш және пеш құбырларының жарылуын болдырмау, бітелген құбырларды, турбаларды тазалап түтін жолдарын ашу, әсіресе жатар уақытында оттың жануын қадағалау жатады. Өйткені адам ұйықтағанда иісті газбен уланғанын сезбей қалады және өрт салдарына әкеліп соғады.

Аудандық төтенше

жағдайлар бөлімі