Адамның ажалы келгенін білдіретін қауіпті белгілер

Ғалымдардың айтуынша, адам иісті дұрыс сезбейтін болса, бірден дәрігерге қаралғаны абзал
НҰР-СҰЛТАН, 1 мамыр – Sputnik. Иіс сезу қабілетінің күрт төмендеуі немесе мүлдем иіс сезбей қалу адамның алдағы он жылда мезгілсіз қаза болу қаупін 50%-ке арттырады. Бұл туралы Мичиган штаты университетінің ғалымдары Annals of Internal Medicine журналында жарияланған мақаласында жазды.
Тағы оқыңыз: Қандай адам көзге шөп салуға бейім тұрады?
Ғалымдар иіс сезбей қалудың мезгілсіз қазаға қалай әкеп соғатынын алғаш рет зерттеп, арадағы байланысты анықтап көрді. Белгілі болғандай, иіс сезу қабілетінің төмендеуі әсіресе қарт адамдарда жиі кездеседі екен.
Зерттеушілер АҚШ-тың 71 мен 82 жас аралығындағы 2289 тұрғыны туралы деректерді саралап, иісті дұрыс сезбеу өлім қаупін күшейтетінін растады. Яғни бұл денсаулықта кінәрат барын білдіреді, бірақ Альцгеймер немесе Паркинсон дертіне қатысы жоқ болып шықты.
Тағы оқыңыз: Денедегі артық май қайдан пайда болады - ғалымдар басты себепті айтты
Ғалымдар иісті дұрыс сезбейтініңізді байқасаңыз, міндетті түрде дәрігерге қаралыңыз деп кеңес береді.


Әрі қарай оқу: https://sputniknews.kz/society/20190501/10015268/galymdar-mezgilsiz-qaza.html