» » » Нәжен ата және құстар

Нәжен ата және құстар



Бір ойды бір түртеді. Осы күні үйге оралғаным сол, ұялы телефоныма әріптесім Әбдісамат «Нәжен ата және құстар» деген тақырыпта хабарлама жіберіпті.
Кешелері Бірлік ауылында тұратын Әбжаппаров Нәжімуддин деген ағамыз өмірден қайтқан еді. Сол кісіні жерлеу рәсімінде аспанда көп тырна ұшып келіп, зират басын айналып жүргенін түсіріп алыпты. «Қараңдаршы, құстардың өзі де бұл кісіні қимай, қоштасқанының белгісі ме? Жоқ, олар зікір айтуға жіберілген Періштелер болар?» деген молдекеңнің даусы естіледі.
Нәжен ата кім?
Нәжмуддин Әбжаппаров Бірлік ауылының тұрғыны. Бабалары әжі атанған, денесі Меккеде жерленген. Ал әкесі Мансұр молда аса тақуалығымен ел жүрегінде қалған, 95 жыл ғұмыр сүрді.
Мансұр молданың ұлы Нәжмуддин жас кезінен зерек, оқу-білімге ынтық болып ержетіпті. Әкесі оны Медреседе оқытты. КазПИ-дің тарих факультетін бітірген, газетіміздің тұрақты авторы болатын.
Жалпы, дін – ғылым. Құранда абджад ілімін меңгергендер 1-ден 1000-ға дейін математикалық өлшеммен довтори әууәл жаратылыс туралы тағдыр кітабына болжам туралы естіп қаламыз. Ал мұның жанында психология, нумерология деген сынды ілімдеріңіздің шаң қауып қалары рас. Өйткені бұл шынайы ғылым.
Кемел білім иесінің жазған дүниелерін күрделігі сондай оның түсінуге өреміз жетпей, таным талабының тұңғиығына терең бойлай алмай, алып келген жазбаларын не медиа жоспарға, не тарихқа жатқыза алмай бас қатырамыз да жатамыз. «Мақалм неге шықпайды?» деп дау соғатын Нәкаең жоқ, екі-үш айдан соң жаңа дүниесін тағы әкеліп тастайды. Мәселен, мына жазбасына назар аударып көрелікші: «Казантьевтің «Гости из космоса» деген кітабының аты Пришельцы болып өзгеруі көп ойға жетектейді. Бәлкім жер планетасы біз есептеп жүргендігінен әлде қайда зор планета шығар. Соның бір шетіндегі цивилизация ортадағы әлі игеріліп жатқан территорияға ұшып та, жаяу да келе беретін шыған. Прилетельцы демей пришельцы деп атауында осындай мән бар шығар. Көне араб географиясында жеті ықылым теориясы бар еді. Бұны ешкім дәл түсіндіріп бере алмайды. Біреулер жеті климат дейді, біреулер жеті материкке апарады. Бірақ арабтар жеті ықылым теориясын шағарған кезде Евразия құрлығы мен Африка ғана белгіледі. Қалған материктер белгісіз болатын. Жеті ықылым, жеті параллель кеңістік емес пе? Неге құранды оқуда жеті құрра бар деп есептеді? Яғни жеті кеңістіктің жеті түрлі оқу нақышы орфоэпиясы бар шығар. Құранда пайғамбарымызға жеті аяттан тұрады деп түсіндіреді. Фатиха сүресін Масаня деп атайды. Масаня-мадақ деген сөз, екінші мағынасы қайталау болады. Сондай жеті масаня жеті рет қайталанған құран болып шығады».
Осы жерде мына бір тәмсілді келтіре кетейік:
«Әнес Бин Малик (р.а) былай дейді:
– Табуд соғысында Пайғамбарымызбен (а.у.у) бірге едік. Күн шайдай ашық еді. Табуд пен Мәдинаның арасы бір айлық жол еді. Күн бірден бұлттанды. Дәл осы кезде Жәбірейіл (а.с) келді Расулалла Аллаһ елшісі одан сұрады:
– Әй, Жәбірейіл, күн неге бетін жапқан періштелер қанатының көптігінен Мәдинада Мауна бин Кира дүниеден қайтты. Ұлы Аллаһу субһана Тағала оның жаназына 70 мың періште жіберді. Өйткені ол отырса да, тұрса да, жүріп бара жатса да, күндіз де, түнде де «Ықылас» сүресін оқитын. «Ықылас» сүресінің сауап дәрежесі үлкен».
Не болғанда да бұл кісі тегін болмады. Қабірін айнала ұшқан құс тобы зікір айтуға жіберілген періштелер емес пе екен деп бізде толғандық. Оның хикметін бір құдырет біледі.
                                                                                                Баян ҮСЕЙІНОВА.
31 шілде 2019 ж. 71 0