Колледж заман талабына сай ма?

Бұл сұраққа Жаңақорған аграрлы техникалық колледж директорының баспасөз ісі жөніндегі кеңесшісі Ханзада Дошан жауап берді.
– Адам капиталын арттырып жастардың жұмыссыздығын жоюдың бір тетігі – кәсіптік білімде.
Биылғы оқу жылынан бастап колледж дуалды оқыту жүйесіне көшті. Бұл тәлімгерлердің практикалық тұрғыда шыңдалуында қажетті қадам. Білім ордасында тігін цехы іске қосылды, аспаз мамандығы үшін 200 адамға арналған асханаға жаңғырту жұмыстары жүргізілуде. Басқа да техникалық мамандықтарға қажетті құрал-жабдықтарға сұраныс берілді, – деді Ханзада Төреханқызы.
Жаңақорған аграрлы-техникалық колледжі аудандағы жастарға білім беретін бірден-бір орын.
 2017 жылы 165 студент, 2018 жылы 138 студент,  2019 жылы 147-сі студент кәсіби біліктілік алды. Олардың 55-сі жеке кәсіпорындарға орналасқан, 30-ы жеке кәсіппен айналысуда, 20-сы жоғары оқу орындарында білімін шыңдауда, 30-ы әскерде, 12-сі жұмыссыз.
Сұлтан Ысқақұлы колледж әкімшілігіне жаңа технологиялармен білім сапасын арттыруды, келесі оқу жылында сұранысқа ие мамандықтарды оқыту жөнінде талап қойып отыр.