Жаңақорған аудандық сотында Қазақстан Республикасы ҚК-нің 345-бабының 3 бөлігімен сотталушы Б.қатысты қылмыстық іс қаралды.
Сотта анықталғандай сотталушы Б. 2016 жылдың 31 шілде күні «Мерседес-бенц» үлгісіндегі автокөлігін басқарып  шамамен сағатына 96 километр жылдамдықпен жүргізіп, жел әсерінен жөндеу жұмыстары жүргізіліп жатқан жолдың шаңғып кетуіне байланысты орнатылған «солға жүру» нұсқаушы жол белгісін көрмей, жоғарғы жылдамдықтың әсерінен көліктің жүрісіне тұрақты түрде бақылау жасауға мүмкіндігі болмай, кедергіні көрген сәттен бастап жылдамдықты тоқтатуға дейін азайтпай, жол белгісі талаптарын орындамай тежеусіз өтіп кеткен, алайда шектеуден асқан жоғары жылдамдықтың әсерінен көлікті қалыпты басқара алмай, Хорасан-ата көшесінің сол жағындағы бетон бордюр мен темір қоршауға соқтығысып, жол көлік оқиғасын жасаған. Соның салдарынан көлікте отырған жолаушы Н. абайсызда алған дене жарақатынан қайтыс болған.
Сотталушы Б. өзіне тағылған айыпты толық мойындап, жасаған іс-әрекетіне өкінетінін, бұл қылмысты абайсызда жасағанын, жәбірленушіден кешірім сұрайтынын көрсетті.
8 маусым 2018 жылғы сот үкімімен сотталушы Б. Қазақстан Республикасы ҚК-нің 345-бабының 3-бөлігімен кінәлі деп танылып, ол 5 жылға автокөлік құралын басқаруға байланысты қызметпен айналысу құқығынан айырыла отырып, оған 5 жылға бас бостандығынан айыру жазасы тағайындалып, Қазақстан Республикасы «Қазақстан Республикасы Тәуелсіздігінің 25 жылдығына байланысты рақымшылық жасау туралы» Заңының 2 бабының 1 бөлігіне және 7 бабының 3 бөлігіне сай, тағайындалған бас бостандығынан айыру жазасынан босатылды.
Үкім заңды күшіне енбеген
Ақпарат: Жаңақорған аудандық сотының баспасөз қызметі.