Жаңақорған аудандық сотында қылмыстық іс қаралды

           
Жаңақорған аудандық сотында сотталушы К. қатысты Қазақстан          Республикасы ҚК-нің 296-бабының 2-бөлігімен қылмыстық теріс қылық ісі қаралды.
          Сот отырысында анықталғандай, 31 мамыр 2018 жылы Жаңақорған стансасының желілік полиция бөлімінің полиция қызметкерлерімен жүргізілген жедел іздестіру шараларын жүргізу кезінде теміржол вокзалы перронында мас күйінде жүрген сотталушы К. аяғына киген шұлығынан қағаз қиындысына оралған өткізу мақсатынсыз заңсыз иемденіп, сақталып, тасымалданған жалпы салмағы 2,66 грамм «кептірілген марихуана» есірткі заты алынған.
         Сот отырысында зерттелген 11 маусым 2018 жылғы қайтыс болу туралы медициналық куәлікке қарағанда, сотталушы К. 6 маусым 2018 жылы Жаңақорған кентінде теміржол көлігі қағып кеткен жазатайым оқиға салдарынан қайтыс болған.
14 маусым 2018 жылғы сот қаулысымен сотталушы К. қатысты Қазақстан Республикасы ҚК-нiң 296 бабының 2 бөлігімен айыпталған қылмыстық іс тоқтатылды.
Қаулы заңды күшіне енбеген
Ақпарат: Жаңақорған аудандық сотының баспасөз қызметі.