Жаңақорған: 100 келі қоқыс пен 200 метр ау-сүзгіштерден тазартылды
Экология, геология және табиғи ресурстар министрінің бастамасымен 17 тамызда «Аулардан таза су айдындары» экологиялық акциясы жер-жерде өткізілді. Оған жаңақорғандықтар да белсенді атсалысты. Жаңақорған орман және жануарлар дүниесін қорғау мекемесінің қызметкерлері мен ерікті табиғат жанашырлары «Жашыкөл» су айдынын заңсыз орнатылған аулар мен күл-қоқыстан тазартты. Оған Қызылорда облыстық орман шаруашылығы және жануарлар дүниесі аумақтық инспекция басшысының орынбасары Исатай Әбдіразақов арнайы келді.
Жалпы Жаңақорған өзен-көлі мол, табиғаты әсем аймақтың бірі. Көктем келісімен өзен-көлдердің маңайында дем алғанды жөн санайтын тұрғындар көп. Олар тынығып қана қоймай, жағалау жолдарын ластап, қоқыстарын тастап кетуді әдетке айналдырған. Осы орайда жыл сайын ұйымдастырылатын «Аулардан таза су айдындары» экологиялық акциясының маңызы зор. Акцияның мақсаты – өзен-көлдерде қараусыз қалдырылған балық ауларынан тазартып, жағалау аумақтарын жинау.
– Су және жағалау маңындағы аумақтар синтетикалық материалдардан жасалған аулармен ластануда, олар ұзақ уақыт бойына шірімейді, оған түскен балық шыға алмай, өліп қалады. Балықтан басқа, ауларға суда жүзетін құстар да ілінсе, шыға алмайды, нәтижесінде су айдындарының санитарлық жағдайы нашарлайды. Бұл қоршаған табиғи орта мен су биоресурстарына үлкен зиян келтіреді. Өткізіліп отырған акцияның ерекшелігі осында, – дейді облыстық аумақтық инспекция басшысының орынбасары Исатай Әбдіразақов.
Жаз мезгілінде суға түсу, балық аулау көбейетіні рас. Бұл уақытта табиғатты бүлдіру етек алатынын да білеміз. Сондықтан да аталмыш акцияның су айдындарын таза ұстауда септігі мол.
– Шындығына келсек, өзендердің астын тазалау маңызды. Экологиялық санитарлық нормаларды сақтау, күл-қоқысты кез келген жерге тастамау, экологиялық тазалыққа шақыратын акциялар қоғамда кеңінен сипат алса. Алдағы уақытта да белсенді жастар, патриот азаматтар осындай шараларға үн қосып, тазалыққа жауапты екенін сезінсе мақсатымыздың орындалғаны, – дейді аудандық орман және жануарлар дүниесін қорғау мекемесі директорының орынбасары Бақытжан Абдусаметов.
Мамандардың сөзінен ұққанымыз Қазақстан Республикасының «Сауда қызметін реттеу туралы Заңының» 32-бабы 3-тармағы 4.3-тармақшасына сәйкес тыйым салынған балық ресурстары мен басқа су жануарларын аулау құралдарын, соның ішінде синетикалық моножіптен жасалған ауларды сатуға тыйым салынған.
Осылайша Жашыкөл көлін тазартуға орман және жануарлар дүниесін қорғау мекемесі мен жергілікті атқарушы билік өкілдерінің қызметкерлері және бес волонтер, барлығы 35 адам, 10 техника мен 3 қайық жұмылдырылып, 100 келі қоқыс пен 200 метр ау-сүзгіштерден тазартылды. Бұл – Жашыкөл көлін бір сәт жағалап жүргендегі нәтиже ғана.
Ескерте кетсек, елімізде өзен-көлдерге ау құруға қатаң тыйым салынған. Ол браконьерлікке жатады. Сондай-ақ су жағасында балық аулап, демалушылар тамақ қалдықтарын жинап, өздерімен бірге алып кетуі тиіс. Әйтпесе, қоршаған ортаға тигізген зияны үшін әкімшілік жауапкершілікке тартылып, айыппұл төлеуіне тура келеді.
Жаз басталысымен тұрғындар табиғат аясына шығып дем алады. Бірақ бұл соңын жинамай кету дегенді білдірмейді. Табиғатты бүлдіру осындайдан басталатынын ұмытпасақ екен. Сондықтан демалыс ұйымдастырғанмен әр адам қалдықтарын арнайы орынға жинап немесе қоқыс тастайтын жерге тасталса әуелі қоршаған ортаға, содан соң өзіне жасаған қамқорлығы, жақсылығы болмақ.
Лаура БИБАСАРОВА
Жалпы Жаңақорған өзен-көлі мол, табиғаты әсем аймақтың бірі. Көктем келісімен өзен-көлдердің маңайында дем алғанды жөн санайтын тұрғындар көп. Олар тынығып қана қоймай, жағалау жолдарын ластап, қоқыстарын тастап кетуді әдетке айналдырған. Осы орайда жыл сайын ұйымдастырылатын «Аулардан таза су айдындары» экологиялық акциясының маңызы зор. Акцияның мақсаты – өзен-көлдерде қараусыз қалдырылған балық ауларынан тазартып, жағалау аумақтарын жинау. – Су және жағалау маңындағы аумақтар синтетикалық материалдардан жасалған аулармен ластануда, олар ұзақ уақыт бойына шірімейді, оған түскен балық шыға алмай, өліп қалады. Балықтан басқа, ауларға суда жүзетін құстар да ілінсе, шыға алмайды, нәтижесінде су айдындарының санитарлық жағдайы нашарлайды. Бұл қоршаған табиғи орта мен су биоресурстарына үлкен зиян келтіреді. Өткізіліп отырған акцияның ерекшелігі осында, – дейді облыстық аумақтық инспекция басшысының орынбасары Исатай Әбдіразақов.
Жаз мезгілінде суға түсу, балық аулау көбейетіні рас. Бұл уақытта табиғатты бүлдіру етек алатынын да білеміз. Сондықтан да аталмыш акцияның су айдындарын таза ұстауда септігі мол.
– Шындығына келсек, өзендердің астын тазалау маңызды. Экологиялық санитарлық нормаларды сақтау, күл-қоқысты кез келген жерге тастамау, экологиялық тазалыққа шақыратын акциялар қоғамда кеңінен сипат алса. Алдағы уақытта да белсенді жастар, патриот азаматтар осындай шараларға үн қосып, тазалыққа жауапты екенін сезінсе мақсатымыздың орындалғаны, – дейді аудандық орман және жануарлар дүниесін қорғау мекемесі директорының орынбасары Бақытжан Абдусаметов.
Мамандардың сөзінен ұққанымыз Қазақстан Республикасының «Сауда қызметін реттеу туралы Заңының» 32-бабы 3-тармағы 4.3-тармақшасына сәйкес тыйым салынған балық ресурстары мен басқа су жануарларын аулау құралдарын, соның ішінде синетикалық моножіптен жасалған ауларды сатуға тыйым салынған.
Осылайша Жашыкөл көлін тазартуға орман және жануарлар дүниесін қорғау мекемесі мен жергілікті атқарушы билік өкілдерінің қызметкерлері және бес волонтер, барлығы 35 адам, 10 техника мен 3 қайық жұмылдырылып, 100 келі қоқыс пен 200 метр ау-сүзгіштерден тазартылды. Бұл – Жашыкөл көлін бір сәт жағалап жүргендегі нәтиже ғана.
Ескерте кетсек, елімізде өзен-көлдерге ау құруға қатаң тыйым салынған. Ол браконьерлікке жатады. Сондай-ақ су жағасында балық аулап, демалушылар тамақ қалдықтарын жинап, өздерімен бірге алып кетуі тиіс. Әйтпесе, қоршаған ортаға тигізген зияны үшін әкімшілік жауапкершілікке тартылып, айыппұл төлеуіне тура келеді.
Жаз басталысымен тұрғындар табиғат аясына шығып дем алады. Бірақ бұл соңын жинамай кету дегенді білдірмейді. Табиғатты бүлдіру осындайдан басталатынын ұмытпасақ екен. Сондықтан демалыс ұйымдастырғанмен әр адам қалдықтарын арнайы орынға жинап немесе қоқыс тастайтын жерге тасталса әуелі қоршаған ортаға, содан соң өзіне жасаған қамқорлығы, жақсылығы болмақ.
Лаура БИБАСАРОВА
