Оңтүстік Қазақстан облысымен шекаралас аймақта «Жаңақорған орман және жануарлар дүниесін қорғау жөніндегі» мемлекеттік мекемесінің №59 оралымында бірлесіп өрт тактикалық жаттығу өткізілді. Негізгі мақсат – әсіресе жаз айларында орманды алқаптарды өрттен сақтандыру шаралары болатын. Сондықтан, шараның ауқымы кең көлемде ұйымдастырылды.
Өрт тактикалық оқу-жаттығуға Жаңақорған ауданы №10 өрт сөндіру бөлімінен 3-ші жүрістегі Түгіскен-53 АЦ-5,8-40 Урал 5557-02 және 4-ші жүрістегі Түгіскен-54 АЦ-5,8-40 Урал 5557-10 өрт сөндіру автокөліктері және Төтенше жағдайлар бөлімінің қызметтік «Ssang Yong Kyron» автокөлігі мен 20 қызметкер жұмылдырылды.
Сондай-ақ, оқу-жаттығуға «Жаңақорған орман және жануарлар дүниесін қорғау жөніндегі мемлекеттік мекемесінен» 4 техника мен 8 өрт сөндіруші, 22 орманшы қатысып, алдын алу шараларына тыңғылықты дайындықтарын пысықтады. Орманды жерлерге жақын ауылдық округтер оқу-жаттығу жұмыстарына бірлесе іске кірісті. Аққорған ауылдық округіндегі м/б kz 282 AB 11 өрт сөндіру автокөлігімен, 6 қызмет және Талап ауылынан 8 адам, Келінтөбеден 9 тұрғын қатыстырылды.
Ал, Оңтүстік Қазақстан облысы Төтенше жағдайлар департаменті мен Түркістан қаласының №2 МӨСБ-нен екі техникадан оқу-жаттығуға кірісті. Сондай-ақ, басшы құрамнан 4 қызметкер, жеке құрамнан 16 қызметкер қатыстырылды.

Әли ТЕМІРБЕК.