Ел ертеңі жастардың қолында

«Жастар жылы» дегенде Елбасының «Елiңнiң ұлы болсаң, елiңе жаның ашыса, азаматтық намысың болса, қазақтың мемлекетiн нығайтып, көркеюi жолында терiңдi төгiп еңбек ет. Жердiң де, елдiң де иесi екенiңдi ұмытпа», деген өсиеті еріксіз еске түседі. Өйткені, Тәуелсіз Қазақстанның ертеңі – бүгінгі жастар екені анық.

Осы тұста, Мемлекет басшысы «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауында 2019 жылды «Жастар жылы» деп жариялады. Маңызды құжатта жастар мен отбасы институтын кешенді қолдау – мемлекеттік саясаттың басымдығына айналу қажеттігін ескеріп, «Жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керек», – деді.
Мемлекет басшысының бұл бастамасы қазақ жастарының болашаққа деген сенімділігін арттырып, келешегінің кемелденуіне зор мүмкіндік тудырады. Біз осы жылдың арқасында жастардың жұмыссыздығы азайып, олардың алға қойған бастамаларының жүзеге асатынына сенімдіміз. Қай мемлекеттің болмасын ертеңі жастардың қолында. Демек, ел ертеңінен үміт күткен жастардың болашағы жарқын болары сөзсіз.

Санжар Нұржанов.