ӘЛИ ЕЛАМАНОВ, Социалистік Еңбек Ері

     
    Әли Еламанов 1902 жылы Жаңақорған ауданы Төменарық ауылында туған.
         Ол 1930-1958 жылдары Елтай атындағы ұжымшарда, кейін «Төменарық» кеңшарында жұмыс істеді.
         Кедей шаруаның баласы Әли 12 жасынан жалшы әкесіне қолғабыс етті. Байдың егінін торғайдан қорғады, құдықтан қауғамен су тартып, соның малын суарды.
         1942 жылы еңбек армиясына шақырылып, Гурьевте, Сталинград маңында жұмыс істеген. 1946 жылдың басында туған ауылына оралып, күрішшілер звеносын басқарды. Жыл сайын мол өнім жинады. 1941 жылы 6 гектар күріштің әр гектарынан 48,4 центнерден өнім жинаса, 1948 жылы 5 гектар күріштің әр гектарынан 81,4 центнерден өнім алды. Жаңашыл Ә.Еламановтың еңбегі жоғары бағаланып, осы жылы оған Социалистік Еңбек Ері атағы берілді. Бұдан кейін ол «Төменарық» кеңшарында түйе өсірді, қой бақты. Ол 1975 жылы қайтыс болған.