«Үздік диқаншы»

Әрине, мұндай биіктікті бағындыруда егіншілердің ерен еңбегі шешуші рөл атқарды. Еңбегімен еленген сондай азаматтың бірі – Қасиман Қоңыратбаев. «Хамит» шаруа қожалығының күріш өсірушісі «Алтын дән – 2017» салтанатты шарасында облыс әкімі Қырымбек Көшербаевтың қолынан «Облыс чемпионы» атағын алды.
Қасиман Ерсұлтанұлының осы салада үзбей еңбек етіп келе жатқанына жеті жылдан асыпты. Техниканы тізгіндеумен қатар диқаншылықтың қыр-сырын терең меңгерген күрішші биыл «Лидер» сортының әр гектарынан 60-70 центнерден өнім алған.
Еңбек адамы уақытпен санаспай маңдай терін жер анаға сіңірді. Соның нәтижесінде мол өнім алады. Әрине, мұндай диқандар Жаңақорған топырағында өте көп.