Жайылмадағы шуақты мейрам

Қарбызымен танылған Жайылма ауылдағы жастар да ақындық қырларымен көзге түсті. «Жер жаннатым – Жаңақорған» атты әдеби тарихи кеш кітапханада ұйымдастырылды. Ұлттық дәстүрді ұмыт қалдырмаған ауылдықтар қолөнер бұйымдарының көрмесін ұсынса, жастар мен аға буын ұлттық ойындар мен тұрмыстық салт-дәстүр көріністерін дәріптеді.
«Гүлденген Жаңақорған» атты театрландырылған көрініспен жалғасқан тойдың көркін өнер ұжымы кіргізді. Ал, волейболдан спорттық жарыс №195 орта мектебінде жалғасып, жарыс жеңімпаздары сыйлықтармен марапатталды.