«Жаңарған Жаңақорғаным» атты дөңгелек үстел Шалқия кентідегі кітапханада ұйымдастырылды. Ауданның бүгінгі бағдары мен Шалқия кентінің өсуі жолында жастар мен аға бауын пікір алмасты, тұщымды ой өрбітті. Ал, қолөнер бұйымдарының көрмесі, ұлттық ойындар мен тұрмыстық салт-дәстүр көріністерін тамашалау №86 орта мектебінде ұйымдастырылды.
Ауыл өнерпаздарының «Айшықты мәдениет ордасы» атты театрландырылған көрінісі жергілікті жұртқа керемет көңіл-күй сыйласа, спорт алаңындағы шағын футбол жастарға жігер берді. Сондай-ақ, мереке қарсаңында «Жас ПРОДЖЕКТ» жобасы арқылы грант ұтып алған жастар орталықтарының тұсаукесері өтті. Айта кетейік, кент жастары жоба аясында төрт грантты жеңіп алыпты. Соның бірі – «Радиоэлектроника» тұрмыстық техника электроника жөндеу шеберханасы» деп аталады.