Тоқсан жылдық торқалы той Төменарықта жалғасты. «Туған өлке тарихын білесің бе?» атты интеллектуалды шоумен басталған мерекеде жастар белсенділік танытты. Кітапханада өткен шарадан кейін төменарықтықтар мен қонақтар қолөнер бұйымдарының көрмесі, ұлттық ойындар мен тұрмыстық салт-дәстүр көріністерін тамашалады. Рухани демалуға келген көпшілік «Жайнаған, жаңғырған жаңа өлке-Жаңақорған» атты театрландырылған көріністі тамашалады. Ауыл көркемөнерпаздарының мерекелік концерті клуб үйінде жалғасты.
Ал, түс ауа баскетболдан спорттық жарыс ауылдағы №53 және №223 орта мектепте өтті. Жарыс нәтижесі бойынша жүлдегерлер марапатталды.