ЖАҢАҚОРҒАНДА КӘСІПКЕРЛІКТІҢ ӨРІСІ КЕҢЕЮДЕ

Бүгінгі өркениет бағытындағы аудан өмірінде елеулі өзгерістер мен жаңашыл ізденістер мен байыпты бастамалар жетерлік. Оның бір парасын аудан басшысы Ғалым Махмұтбайұлы есепті кездесуде баяндады. Ең бірінші кезекте кәсіпкерлік саласының көкжиегі кең екенін жеткізді.
– 2017 жылдың 1-желтоқсанына тіркелген шағын және орта кәсіпкерлік субъектілер саны – 3338-ге жетті. Оның 239 заңды тұлғалар болса, 1160 шаруа қожалықтар, 1939 жеке кәсіпкерлер. Белсенді субъектілер саны 3171 бірлікке жетті. Нақты, белсенді кәсіпкерлер саны жөнінен облыста көш бастадық. Кәсіпкерлік субъектілерінде жұмыспен қамтылған адамдар саны 9213 адамға жетіп, 11126,4 млн. теңгенің өнім (оның 2838,2 млн теңгесі өнеркәсіп өнімдері) өндірілді. Бюджетке түскен салық 1141,0 млн теңгені құрады – деді аудан әкімі есеп беру кездесуінде.