Музей – халық қазынасы

Музей жиынтығын ғылыми іріктеп, қор жинағына музейлік құны бар заттарды алу тәртібімен алғашқы тіркеу, есепке алу жұмыстары жүргізілді. Жаңақорған аудандық тарихи-өлкетану музейінің ғылыми қызметкері Мөлдір Дюсенбаева 2026 жылғы жоспарына сай жаңа жәдігерлер жинақтап, қабылдау-өткізу актілерін толтырды.
Бұл жәдігерлер акция, ғылыми экспедициялар мен музейлік байқаулар нәтижесінде жинақталды. Өлке тарихында із қалдырған тарихи тұлғалар жөнінде материалдар, фотосуреттер, тұтынған заттары; ертедегі қалашық орындарынан табылған керамикалық бұйым сынықтары; этнографиялық бұйымдардан: сандықтар жүкаяғымен, иінағаштар, өткен ғасыр чемодан, портфельдерімен толықты.