Жаңақорған аудандық тарихи-өлкетану музейінде "Балалар жылы" аясында, мереке қарсаңында ауданымыздағы ерекше балаларға жаңарған көрме залдарын таныстыру мақсатында экскурсия жүргізілді.

Жаңарған музей залдарымен қызыға танысып шыққан балалар мен ата-аналары, Жаңақорған ауданының жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Аягөз Нұржанқызы өз алғыстарын білдірді.

Арнайы шақырумен келген балаларға мерекелік көңіл-күй сыйлау мақсатында музей ұжымының атынан тәтті салынған сыйлықтарды музей меңгерушісі Ажар Мәжитқызы табыстап, құттықтауын жеткізді.