АБАЙМЕН ӨРІЛГЕН РУХАНИ КЕШ

Бүгін Жаңақорған кенті орталығындағы «PRIME PARK» саябағында Қазақтың ұлы ойшылы Абай Құнанбайұлының шығармашылығына арналған «Қазақтың қасиетін тану – Абайды танудан басталмақ» атты әдеби-музыкалық кеш өтті.

Рухани шараның басты мақсаты – ұлы ақынның шығармашылық мұрасын кеңінен насихаттау, Абайдың тағылымды ойларын жас ұрпақтың санасына сіңіру және ұлттық құндылықтарды дәріптеу.

Кеш барысында аудан өнерпаздары Абайдың өлеңдері мен әндерін орындап, көрерменге рухани әсер сыйлады. Ақынның адамгершілік, білім, ғылым, еңбек және елдік туралы терең ойлары кеңінен насихатталды.
Сонымен қатар, шара аясында Абай Құнанбайұлының өмірі мен шығармашылығына арналған арнайы көрме ұйымдастырылып, тұрғындар мен қонақтардың назарына ұсынылды.

Абай мұрасы – халқымыздың рухани темірқазығы. Абайды тану – ұлттың рухани болмысын тану. Сондықтан ұлы ақынның мұрасын ұлықтап, кейінгі ұрпаққа жеткізу – баршамызға ортақ міндет.