Өз ісіне жауапкершілікпен қарайтын Мадина Есенгелдіқызы әріптестірінің арасында беделі биік. Ол Түркістан қаласындағы медицина мамандығын меңгеріп, бес жылдан бері аудандық аурухананың медбике қызметкері. Медбикенің жұмысы қызық әрі қиын. Себебі ауруханада дәрігердің науқасқа тағайындаған емін жүргізу мейірбикеге жүктеледі. Сонымен қатар халыққа бәрін алдын ала түсіндіру, аурухана тазалығы мен жұмысын бақылау да міндетіне кіреді. Ауырып еміне шипа іздей келген жанның дәрісін уақытылы ішуін қоса қадағалайды.

– Ақ қалатты абзал жандар үлкен жауапкершілікті талап ететін мамандық. Біздің мойнымызда үлкен жауап¬кершілік бар. Ол халық денсаулығы үшін міндетті адал атқару. Менің бұл салада жүргеніме 8 жылдан асты. Осы жылдар ішінде тәжірибемді толықтырып, медицина саласының қыр-сырын меңгеріп келемін. Туған жерге қызмет ету мен үшін үлкен мәртебе, бақыт деуге болады, – дейді білікті маман.

Медбикенің жұмысына ең қажет нәрсе өз ісіне деген адалдық және науқастарға мейіріммен қарау. Ең абзал қызмет иелерінің «мейірбеке» деп аталуы сондықтан болар. Мамандықтың ішінде ең абыройлы да қасиеттісін таңдап, науқасты бай-кедей деп бөлмей, бәріне бірдей көзқараста болып, отбасы мен жұмысын қатар алып жүрген кейіпкеріміз өз ойымен бөлісті.

– Күндізгі бөлімі науқастардың денсаулығына жауапкершілікпен қарайтын, дертінен айығуына себепкер болатын бөлім. Қиындығы мен қуанышы қатар жүретін медицинаның ең жауапты саласы, – деді.

Зерделесек әлемдегі медицина қызметкерлерінің жартысынан көбі мейірбикелер екен. Соған сай мейірбикелердің денсаулық сақтау саласындағы қызметінің маңызы да зор. Өйткені емдеу ісінде біздің қызметіміз өте маңызды, жауапты, сондай-ақ асқан төзімділікті талап етеді. Олар адам денсаулығына қауіп төндіретін эпидемия, пандемиямен күресте де алдыңғы қатарда тұрады. Пациенттермен бірінші болып қарым-қатынас жасайтын емхана қызметкерлері екені анық. Бір сөбен айтқанда, мейірбикелер – медицина саласының ең үлкен әскері. Міне, осы салада қызметте жүрген жоғары санатты мейірбикенің бір күндік қызмет тіршілігі осындай қарбалас, халыққа табанды қызмет өтуде.

Науқасқа ең бірінші көрсетілер көмек – мейірім. Жаны, тәні ауырған жан дәрігер мен медбикелердің жылы сөзіне, қамқорлығына мұқтаж болады. «Мейірбике» деп аты айтып тұрғандай, мейірімді, ізетті болған дұрыс. Әрбір берген дәріні «ем болсын» деп табыстап, науқасқа күлімдеп тұрып, көмек көрсетіп, еммен ғана емес, сөзбен де шуақ сыйлай білу – нағыз кәсіби медбикенің міндеті. Осындай ұстанымды өмірлік қызметте алға қойған кейіпкеріміздің медбикелік болмысы көпке үлгі. Міне, Мадина Есенгелдіқызы кейіпкер ретінде таңдап алғанымыздың себебі де осында…