Ұлттық ойындар ұмыт қалмайды
Наурыз мерекесіне арналған іс-шаралар аясында «Дене шынықтыру және бастапқы әскери дайындық» және “Дене тәрбиесі” білім беру бағдарламаларының ұйымдастыруымен Ұлттық ойындар сайысы болып өтті. Тартысқа толы додаға университет профессор-оқытушылары құрамы мен білім алушыларынан тұратын 6 команда және тұрғындар қатысты. Командалар асық ату, арқан тарту, қол күрес, гір тас көтеру, тоғызқұмалақ ойындары бойынша сынға түсті.Он студент, бес оқытушыдан құралған топтар мен қала тұрғындары арасынан қатысушылар тартысты ойын көрсетті. Сайыс соңында жеңімпаздарға Қызылорда қаласы әкімі орынбасарының арнайы дипломы және университет кәсіподақ комитетінің бағалы сыйлықтары табысталды.
