Мемлекеттік рәміздер – елдің дербестігі мен тәуелсіздігінің нышаны ғана емес, оның өткені, бүгіні мен болашағы арасындағы сабақтастықтың жарқын бейнесі. Халықтың рухын, ұлттық салт санасын, болашаққа үмітін, арман-тілегін жеткізетін құндылық. Расында, егемендік алған 26 жылдан астам уақытта елдіктің елшісіндей болған рәміздер біздер үшін қастерлі. Сондықтан, бүгінгі буын оны аялап, ғұмырын мәңгі етуде жұмылу қажет. Себебі, Тәуелсіздік қазақ еліне бабадан аманат болып қалған мирас. Ана тіл, ұлттық салт-дәстүр мен мемлекеттік рәмізді айнымас асылдай ардақ тұту парыз деп білеміз.

Ең бастысы, жас буынға осы құндылықтарды насихаттауды ұмытпауымыз маңызды. Бұл тек білім ордаларында насихатталуға тиіс емес, барлық мемлекеттік мекемелерде орын алуы тиіс деп білемін.

Ерзақ ЖАҚСЫБЕКОВ,
АІІБ бастығының орынбасары.