PDF нұсқалар мұрағаты

№58 (8378) 31

03 тамыз 2020 ж.

№57 (8377) 28

28 шілде 2020 ж.

№56 (8376) 25

25 шілде 2020 ж.

Жаңалықтар мұрағаты

«    Тамыз 2020    »
ДсСсСрБсЖмСбЖс
 12
3456789
10111213141516
17181920212223
24252627282930
31 
» » ҮЗДІКТЕР АНЫҚТАЛДЫ

ҮЗДІКТЕР АНЫҚТАЛДЫ


Бесарық бекетіндегі №247 орта мектепте жаңару заманында ұстаздарды бағалап, еңбегін саралап, өзінің жан-жақтылығын, ұйымдастырушылығын, сөз шеберлігін, жаңашыл ұстаз екенін дәлелдеу мақсатында, «Жылдың үздік мұғалімі –2017» байқауы өтті. Байқауды мектеп директорының оқу ісі жөніндегі орынбасары Темірхан Кенбай ашып, оның шарттарын түсіндіріп, қатысушыларға сәттілік тіледі.
Ауылдық клуб үйінің директоры Жәнібек Сыздықов жүргізген мықтылар додасы ұстаздардың рухын көтеріп, мәртебесін асқақтатты. Додада мұғалімдердің панорамалық сабақтары көрсетілді, инновациялық білім беру технологиясын, оның ішінде ақпараттық-коммуникациялық технолгияларды пайдалануы, көпшілік алдында өзін ұстауы, сөйлеу мәнері, жағдаяттан шығуы, ұйымдастырушылық қабілеті, ұжымдастарымен біріккен жұмысы, портфолиосы, жеткен жетістіктері қаралды. Қатысушыларға білім саласынан сұрақтар қойылып, көрініс көрсету ұсынылды.
Соңында ардагер ұстаз Базаркүл апай мен ауыл әкімшілігінің бас маманы Нұрсұлтан Алимахамадұлы қазылық еткен сайысты қорытып, үздіктерді анықтап, мектеп директоры Талғат Өтеев жеңімпаздарды арапаттады. Ағылшын тілі пәнінің мұғалімі Темиралиева Назерке ІІІ-орынды місе тұтса, бастауыш сынып мұғалімі Ибагүл Сәрсенханова ІІ-орынды иеленді. Жүлделі І-орынды денешынықтыру пәнінің мұғалімі Нұрлан Баржубаев алса, химия-биология пәнінің мұғалімі Жанар Байжанова бас жүлдені жеңіп, «Жылдың үздік мұғалімі - 2017» атанды.
P.S.: ХХІ ғасыр білім мен ғылымның ғасыры болғандықтан ұстаздар жаңа бағытқа әрдайым дайын болғаны абзал. Өйткені, дүниедегі мамандық атаулының төресі – ұстаздық. Ұстаз берген тәрбие әрбір жанның өміріне жол сілтер шамшырақ секілді. «Ұстаз болу – өз уақытыңды аямау, өзгенің уақытын аялау», – деп француз ойшылы Жан Жак Руссо айтқандай, ұстаздардың өлшеусіз еңбегі қашанда құрметке лайық. Шәкірт санасына білім нәрін сеуіп, ел болашағының өрендерін тәрбиелеп шығару екінің бірінің қолынан келе бермесі анық.

Жадыра
АЛТЫНБЕКОВА,
№ 247 мектеп
психологы.
16 қаңтар 2018 ж. 698 0