COVID-19: 174 адам індетке ілікті

Еліміздің барлық өңірі «қызыл» аймақта тұрғалы апта асты. Эпидемиологиялық ахуал оңалар емес. Қызылорда облысында 220 науқас ем алып жатса, оның 174-і жаңақорғандық. Аудандық аурухананың биылғы жылдың 2 тамызындағы мәлімет бойынша «COVID-19»инфекциясымен 692 науқас тіркеліп, 508 науқас емделіп шықса, 174 науқас ем алуда. Үй жағдайында бақылауда жатқандар саны – 84.

Аудандық жұқпалы аурулар бөлімінде 48 науқас, КВИ 2 стационарда – 40 науқас,  облыстық медициналық орталықта 1 науқас, облыстық психдиспансерде 1 науқас  ем алып жатыр. Өкінішке орай 10 науқас қайтыс болды.  Аудандар арасында көш бастап, күніне 7-10 науқас тіркелуде. Алаңдатарлығы, тұрғындар жұмысқа қажетті ПЦР тест тапсыру барысында анықталуда.