Елбасы Жолдауын орталық кітапхана қызметкерлері ықыласпен тыңдады

Елбасымыз Нұрсұлтан Әбішұлы Назарбаевтың жыл сайынғы Жолдаулары еліміздің әлемдік кеңістіктегі іс – қимылдар бағдарын, ішкі тұрақтылық мәселелері мен даму бағыттарын айқындаушы негізгі құжат болып табылуда. Ең алдымен, Жолдау - Ата Заңымыз – Конституцияның талаптарын бұлжытпай орындау тәртібін қалыптастырып, құқықтық мемлекет орнатудың негізін қалаушы бірден бір іргелі факторына, сондай – ақ өркениетті дәстүріне айналды және де халық пенбилікті бір мақсат, бір мүддеге жұмылдыра отырып, бүкіл елдің ынтымағы мен жасампаздығын ұйымдастыратын рухани басты құжат болып, тұрмысымызға, өмірімізге енді.
Биыл 2018 жыл Елбасы Жолдауы 9 қаңтарда жарияланып отыр.
«Жаңақорған ауданының мәдениет және тілдерді дамыту бөлімі аудандық кітапханасы» КММ-нің ұжымы биылғы Елбасы Жолдауын тікелей көрсетілімде тыңдауды ұйымдастырды. 
Елбасы Жолдауы ұжым арасында талқыланып, әр қызметкер Жолдаудан түйген өз ойларын ортаға салды.