Біріншіден, жастар арасынан ересектер арасына қосылып, табысты өнер көрсетті. Екіншіден, табысты өнер көрсетіп қана қоймай «Халықаралық спорт шебері» атағын алды. Үшіншіден, келешегінен үміт күттіретін алымды балуан.
Меруерт Құрбанбекқызы алдымен белбеу күресінен ел біріншілігінде алтыннан алқа тағынды. Одан кейін Қазақстан Республикасының кубогінде күміске қол созды. Бішкекте өткен Гран-приден және дзюдодан шеберлік (мастерский) турнирінде қоланы қанағат тұтты. Ең ірі жеңісі Астанада өткен Әлем чемпионатында күмісті еншіледі. Әрине, бұл ересектер арасында өткен байрақты бәсекелердің нәтижесі. Сондай-ақ, 23 жасқа дейінгі ел чемпионатында да өзінің мықты екенін дәлелдеді.