Президентіміз Қасым-Жомарт-Тоқаевтың мәлімдемесі елдегі экономикалық реформаларды жүзеге асыруда теңгерімді және жан-жақты көзқарастың қажеттігін көрсетеді.
Мұндай ұстанымның негізгі мәні – экономикалық тұрақтылық пен бизнеске қолайлы орта құру. ҚҚС мөлшерлемесі тым жоғары болса, бұл шағын және орта бизнеске ауыртпалық түсіреді. Ал мөлшерлеме тым төмен болған жағдайда, бюджет кірісін арттыру міндеті орындалмай қалады. Осыны ескеріп, әртүрлі тараптардың пікірлерін тыңдай отырып, теңдестірілген шешім қабылдау – ел дамуы үшін дұрыс қадам деп ойлаймын.
Мемлекет басшысының бизнеске қолайлы жағдай жасауға ерекше назар аударуы ел экономикасын әртараптандыруға, салық саласындағы әділдікті қамтамасыз етуге, сондай-ақ кәсіпкерлік белсенділікті арттыруға септігін тигізеді деген ойдамын.
Өмірсерік Тақырбасов