БАСТЫ ҚҰНДЫЛЫҚ – АДАМ ДЕНСАУЛЫҒЫ

Кез-келген мемлекетте адам денсаулығы бірінші орында тұратын басты құндылық. Осы орайда, тұрғындарға сапалы медициналық көмек көрсету мақсатында ауданда медициналық нысандардың мәселесі шешімін тауып, бірнеше ауылдарда медициналық бекеттер бой түзеді. Атап айтар болсақ, аудан орталығынан 250 орындық үш қабатты, заманауи емхана көпшілікке есігін айқара ашып, халыққа қызмет көрсетуде. Сондай-ақ, Сунақата ауылына қарасты Еңбек елді мекені мен Аққұм ауылында медициналық бекет ашылды. Ал, тәуелсіздік алғаннан бері қарайғы жылдарда аудан бойынша жиырмаға жуық дәрігерлік емхана бой көтерген.