АСТАНА КҮНІ: БАР ЖАҚСЫЛЫҚ БАЛАЛАРҒА
«Бар жақсылық – балаларға!». Осындай ұранмен Астана күні мерекесі қарсаңында балғын балаларға тамаша тарту жасалды. Әрине, болашағымыз – балаларға жақсылық жасау ешқашан ұмыт қалған емес. Бұл ұранның әлі кунге дейін мәнін жоймағандығын, келешек ұрпақтарын тәрбиелеуде біздің ең басты ұран болып қала беретіндігін, Елбасы Н.Ә.Назарбаевтың «Қазақстан-2050» Стратегиясы – қалыптасқан мемлекеттің жаңа саяси бағыты» атты Қазақстан халқына Жолдауы айғақтайды. Осы бағытта Жаңақорған кентіне қарасты әлеуметтік қызмет қажет ететінмүмкіндігі шектеулі балалар арасында «Шынықсаң- шымыр боласың!» атты спорттық іс шара болып өтті. Бұл шараны әлеуметтік маманы Үміт Аптаева және әлеуметтік қызметкерлер ұйымдастырып,кент әкімі Абунасыр Бекишов сөз сөйлеп ашып берді. Сонымен қатар балалар ат салысып, жарыса ойнап, соңында демеушілердің демеуімен жасалған сый- сияпаттар беріліп, мадақтау қағаздарымен марапатталды.
