«Ақбота»балабақшасында «Шынықсаң шымыр боласың»атты спорттық сайыс өтті.  Шараға «Балапан»  тобының бүлдіршіндері ат салысты. Сергіту жаттығуларын жасап, дене қыздырып алған балалар сайысқа кірісіп кетті. Денешынықтыру нұсқаушысы командаға пәрмен берген соң, әділ-қазылар алқасы таныстырылды. Қазылар төрайымы Бибігүл Нұртазаева мен мүшелері Айман Бегенова, Құндызай Әлімбетова сайыс ережесімен таныстырып, балаларға сәттілік тіледі.
Сайыстың алғашқы тапсырмасына сәйкес, балалар екі қатарға тұрып, еңбектеп әрі жалаушыны құлатпай кедергілерден өтті. Екіншісінде шарды себетке салудан жарысты.  Үшінші тапсырмада тәрбиеші паровоз, балақайлар вагон рөлін ойнайды. Төртіншіде асық жинаудан жарысты. Шелеке қай топ тәрбиеленушісі көбірек салса, сол жеңімпаз саналды. Ойын балаларға қызық өтті.