Көп жаса қарағым

Ақсақал деген атқа бұрын да,қазір де кез келген қарт  ие болған емес, ие бола алмайды да. Сақалы бар кейбір ақымақты көңілі қалмасын деп «ақсақал» дейміз. Оған оның бөркі қазандай.
«Әй, қайдан білейін» деген шалдан ақсақалдық шыққан емес.Күркілдеп жөтеліп отырып дауды әділ шешкен қария ғана ақсақал.Жалпы, ақсақалдыққа рецепт жоқ. Ол адамның жеке қасиетіне байланысты. Содан кейін шале, кемпірдің қартайған кезінде ақылды болуы тұрмысқа, ортаға байланысты. Бағалай білсеңдер, олар /бас бармағын көрсетті/ мынандай мектеп.Біз үлкен кісінің алдын кесіп өтпейміз.Мұнцың өзі оларды көңілдендіреді. Үлкен кісіні көрсек, таниық, танымайық:
Ассалаумағалейкүм! Деп иіліп сәлем береміз.
О, көп жаса, қарағым, – дейді ол риза болып.