Қолайсыз сауал

 
Бір кездері Бауыкең біршама уақыт сақал қойса керек. Сол сақал туралы өзі былай дейді.: Мұны бір кездесіп қалғанда Баукеңнің сақалын көрген Ғабең, Ғабит Мүсірепов ерсілеу көріп:
–Сен де сақал қойғансың ба, Бауыржан? –деп  мысқылдап күледі.
–Ғабе, сақал қатындарда болмайды. Мен қатын емеспін, – деп тастадым. Ғабең: «Қап, бекер соқтығыппын» деп ішінен өкініп қалды. Оны мен қас-қабағынан таныдым.
P.S. Мұндайда дана халқымның «Аңдамай сөйлеген – ауырмай өледі»,  «Жүйелі сөз – жүйесін табады, жүйесіз сөз – иесін табады», ал, орыстардың «Какой привет – такой ответ» деген нақыл сөздері еріксіз еске түседі.