Ақшаның күші ауруға араша емес

– Кеше аудан әкімі Руслан Рүстемовтің қатысуымен аудандағы санитарлық-эпидемиологиялық ахуал қаралып, алдағы атқаратын жұмыстар пысықталды. Әлемде COVID-19 ауруы мен өлім-жітімі бойынша жағдай шиеленісе түсті. ДДСҰ-ның алты аймағының бесеуінде аурудың өсу тенденциясы байқалады. Қазақстанда 4 мамырдағы жағдай бойынша коронавирусты жұқтырғандар саны 330 мыңнан асты. Эпидемиологиялық жағдайды бағалау матрицасына сәйкес республикада Қызылорда облысы қызыл аймақта. Бүгінге дейін облыста 5794 адам коронавирус жұқтырса, оның ішінде, біздің аудандағы көрсеткіш – 614. Соңғы бір тәулікте 29 адамнан вирус жұққаны белгілі болды. Цирфлардан қауіпсіздік шараларын күшейту керектігін түсінуге болады. Карантинді күшейту дегеніміз, халыққа вакциналаудың маңызын жан-жақты түсіндіру деген сөз.
Жақында туған жерім Жетісайға барып қайттым. Атшаптырым болатын мазарда бір жылда жүздеген адам жерленіпті. Иә, кешегі қиын сәтте ақшаның күші ауруға араша бола алмайтынын көзбен көрдік. Осыдан сабақ алуымыз керек...

Қаныбек ӘБДУОВ,
аудан әкімінің кеңесшісі