Ертеде өзара сыйластығымен татулығымен танымал болған отбасы болыпты. Ол үйде ұрыс-керіс болғанын ешкім көрген емес және расында да бұл отбасыда жанжал болмаған екен. Қартайған шағында кемпірі ауырып төсек тартып жатып қалады. Қайтатын күнінің жақындағанын сезген кемпір шалына қарап «Білесіз, осы күнге дейін мен сізден ешнәрсе жасырған емеспін, тек бір ғана құпия ұстаған дүнием бар еді», деп бір құтыны береді. Құтыда екі дана тоқылған шұлық және өте көп мөлшерде ақша бар еді. «Мен келін болып түскенде әжем күйеуіңе ашуланған кезіңде жауап қайтарма, ұстамды, сабырлы бол, ашуыңды басу үшін ұршық иір, шұлық тоқы деп өсиет айтқан болатын. Мына құты осы өсиеттің нәтижесі болып келген сыр еді» дейді. Шал: «Құтыда екі шұлық болғанына қарағанда сен маған өмір бойы екі-ақ рет ашуландың ба?» деп сұрайды. Кемпірі «Мына ақшалар сатылған шұлықтардан түскен табыс» деген екен. Мұны естіген жұбайы көз жасына ерік беріпті.