БӘЛЕНІҢ БӘРІ БІЗДЕН ШЫҒУДА

Nur хабарлайды.

Қызылорда облысында анасынан ақша алмақ болған жігіт оны пышақпен қорқытқан.

Байқоңыр қалалық сотының мәліметіне сүйенсек, сотталушы азамат Байқоңыр қаласындағы Абай даңғылы бойында орналасқан пәтерде жанжал шығарған. Жанжал барысында айыпталушы асхана пышағымен ақша бермегені үшін анасын "өлтіремін, пышақтаймын" деп қорқытқан. 

"Аталған іс әрекеті арқылы азамат ҚР ҚК-нің 115-бабына сай заңға қайшы әрекет жасаған", - деп хабарлайды Байқоңыр қалалық сотының баспасөз қызметі. 

Сот сотталушыны Қазақстан Республикасы Қылмыстық кодексінің 115-бабымен кінәлі деп танып, 20 айлық есептік көрсеткіш мөлшерінде (48100 теңге) айыппұл салуға үкім етті.