2019 жыл: қанша медициналық нысан бой көтерді?

Жалпы аудан бойынша 1 аудандық және 2 ауылдық аурухана, 1 емхана, 1 туберкулезге қарсы диспансерлік бөлімше, 17 дәрігерлік амбулатория, 8 фельдшерлік-акушерлік пункт, 10 медициналық пункт және 47 жалпы тәжірибелі дәрігерлік аймақ қызмет көрсетеді. Ал, 2019 жылы қандай өзгерістер орын алды? Бұл туралы аудан әкімі Сұлтан Мақашов "Қазақстан-Қызылорда" телеарнасының "Өзекжарды" бағдарламасының тікелей эфирінде мәлімдеді.

2019 жылы мемлекеттік жекеменшік әріптестік жобасы аясында 7 медициналық нысан яғни Қожамберді, Қожакент, М.Нәлібаев ауылында және Талап бекетінде фельдшерлік акушерлік бекет, Өзгент, Бірлік ауылында дәрігерлік амблатория, Байкенже ауылдық округі, Билібай елді мекенінде медициналық бекет пайдалануға берілді.
Сондай-ақ, биыл аудандық аурухана ғимараты орталықтандырылған газ жүйесіне қосылды.