ЖАҺАН: ЖЫЛДЫҢ ЕҢ ҮЗДІК ФОТОСУРЕТІ АНЫҚТАЛДЫ

World Press Photo (WPP) халықаралық байқауының әділқазы мүшелері жеңімпазды анықтады. Жылдың ең үздік фотосуретінің иесі – венесуэлалық фотограф Роналдо Шемидт, деп хабарлайды Baq.kz ақпарат агенттігі worldpressphoto.org сайтына сілтеме жасап.

Суретте Венесуэла астанасы – Каракас тұрғыны бейнеленген. Ол көше бойында денесі өртенген күйі қашып бара жатыр. Фотограф наразылық шеруінде не болып жатқанын түсіріп алған. Фотосурет кейіпкері – полиция қызметкерлерінен қашып бара жатқан 28 жастағы қоғам белсендісі.
Фотограф бұл көріністі суретке түсірген күні Венесуэла астанасында болған наразылық шеруі нәтижесінде бірнеше жүз адам зардап шеккен.