САХАРАДА ҚАР ЖАУДЫ
![](/uploads/posts/2018-02/1518008249_12.jpg)
Сахара шөлінде орналасқан Айн-Сефра қаласында қар жауды, деп хабарлайды Baq.kz ақпарат агенттігі interfax.ru сайтына сілтеме жасап.
Мұның алдында қар 2018 жылдың қаңтар айында жауған болатын. Жалпы 2016 жылдан бері аталған аймақта төрт рет қар жауды. Ал оның алдында қар соңғы рет 37 жыл бұрын жауған еді.
Халық қар жауған қалаға әдейі келіп, табиғатты суретке түсіріп кетіп жатыр. Айн-Сефра қаласы теңіз деңгейінен 1 000 м биіктікте орналасқан. Ол Атлас тауларымен қоршалған. Бұл уақытта қаладағы орташа температура Цельсий шкаласы бойынша 6-12 градус.