Жаңақорған аудандық кітапханасының оқу залында 16 қаңтар күні кітапхана қызметкерлерімен Қазақстан Республикасының Президенті Н.Ә.Назарбаевтың биылғы "Төртінші өнеркәсіптік революция жағдайындағы дамудың жаңа мүмкіндіктері " атты Жолдауын талқылау мақсатында дөңгелек үстел өтті.
Шараның мақсаты- келешек Қазақстанның бағдарламалық құжатын оның 10 міндетін жүйелі және айқын іске асыру мақсатында Елбасының жолдауын насихаттау.
Дөнгелек үстелді оқырмандарға қызмет көрсету бөлімінің меңгерушісі Меруерт Алжанова биылғы Жолдауда Мемлекет басшысы дамыған 30 елдің қатарына кіру жолындағы еліміздің 10 негізгі міндеті қамтылғанын айтып, негізгі бағыттар бойынша тоқталып өтті. Шараға қатысушылар Президент Жолдауы еліміздің жарқын болашағының кепілі екенін атап өтіп, өз ойларын ортаға салды.