Ұққаным: тағдырым – би
Гүлнәр Ибадуллаеваны ауданда танымайтын жан жоқ шығар, сірә. Себебі, өнер әлемінде әсем ырғақты, мың бұралған биімен жұртшылықты тәнті еткен Гүлнәр Шәкірқызы бүгінде Әлшекей атындағы өнер мектебінде дәріс береді. Республикалық және облыстық, тіпті, халықаралық байқауларға қатысып, жүлделі орындардан көрінген ол қазір шәкірт тәрбиелеуде. «Экспресс» би ансамблінің хореографы және «Аққу» би тобының қыздарын қанатының астына алып, бар білгенін үйретіп келеді. Осы салада жүргеніне 23 жыл. Аудандағы барлық мәдени көпшілік іс-шаралардың бел ортасынан табылады.
