Келін – қазақ отбасындағы нағыз ұйытқы болатын жан. Сол себепті, қазақ халқы ежелден келіннің тәрбиесіне, мінезіне, қайын жұртымен қарым-қатынасына аса жоғары көңіл бөлген. Әрі «анасына қарап қызын ал» деп қыздың шыққан тегіне, отбасындағы тәрбиесіне де аса байыппен қараған.

Қазақ тәрбиесіндегі маңызды отбасылық құндылықты сақтайтын қазақ келіндерінің тәрбиесін, ізгілікті жолын сақтай отырып, болашақ ана, асыл жар, қазақ келіндерін ұлттық рухта тәрбиелеу, ана тілін, ұлттық мәдениетін құрметтеу, жас отау тәрбиесін ұғындыру, қазақ әйелдерінің қоғамдағы рөлін арттыру, қазақы қалыптарды сақтап, заман талабына сай жан-жақты дамыған тұлға етіп, болмысын қалыптастыру мақсатында «Өнегелі келін» тақырыбында байқау өткізілді.

Осы шараға Қосүйеңкі ауылынан Қалманова Рауан қатысып өз өнерін көрсетіп, жүлделі бірінші орынды иеленді.