Тастаев есімі ұлықталған күн

Бүгінде сегіз қырлы, бір сырлы өнерпаз Қазақстан Республикасының Мәдениет қайраткері - Нұрберген Тастаевты жерлестері ұмытқан жоқ, ұмытпайды да.

 Елдің әлі күнге есінде ағамыз қысқа ғана ғұмырында қызмет пен өнерді қатар алып жүріп, республика көлемінде өткен шараларға да айтыскер ақын, жырау, термеші ретінде қатысып, жүлделі орындарды иеленді.
Тіпті ауданның мәдениеті мен өнері және спорты үшін де білікті басшы, жанашыр ретінде көптеген аудан жастарының қанаттануына септігін тигізіп, соңында өшпес мұра қалдырды. Тастаев тұғырына қонған күн.

Ал бүгін Жаңақорғанда Тастаев тұғырына қонған күн. Асыл ағамыздың есімі ұлықталып, оның 65 жылдығына орай «КӨҢІЛ СЫРЫ» атты облыстық әншілер байқауы өтуде.