» » » «Менің биім әдемілік әлемім»

«Менің биім әдемілік әлемім»

Көрермендер залында өрбіген бишілер сайысына 10-ға жуық би ансамблі келіпті. Би әлемінде елеулі еңбек етіп, талай бишілердің алғашқы ұстазы атанған Өмірзақ Оспанбеков, Гүлнар Ибадуллаева және Индира Құрбанова әділ-қазылық етті. Ерекше өнерге енді ғана қанат қағып, шеберлігін шыңдар жүрген би топтарының әрбір қадамы мен әрекетін сыңға алды. Шарада Гүлнар Ибадуллаева бірқатар би топтарының мүшелері мен жетекшілеріне би позициялары мен ырғақ қозғалысын реттеуге жұмыс жасау керектігін айтты.
Қос өнерді құрықтаған Өмірзақ Оспанов шығармашылық шеберлігімен бөлісті. Ол: «Би – біліктілікті әрі ептілікті қажет етеді. Жүрекке жақын жанрда билеу – таза өнеріңді көрсетеді. Жүрегі таза адамнан тамаша туынды шығады», – деп, сұлулық әлемінің сырымен бөлісті.
Марапат мінберінде оннан озған дүлділдер биікке көтерілді. Сонымен,бишілер сайысында I-орын қос бірдей ансамбльге бұйырды. Төл өнерде тең түскен Бесарық балалар өнер мектебінің " Мереке" думан би тобы мен Арман мәдениет үйінің "Шашу" би тобы иеленді. Олардың ізінен Астанадағы үлкен сахнада өнер көрсетіп жүрген №239 мектебі "Құндызай" би тобы мен "Әлшекей" өнер мектебінің "Еркеназ" би тобы екінші орынға лайық саналды. Сондай-ақ, үшінші орынды Түгіскен өнер мектебінің "Қарақат" би тобы қанағат тұтты.



20 сәуір 2018 ж. 1 484 0