Даралық дарыған бойжеткен
Атасы мен әжесінің тізесіне отырып қос ішекті домбыраның шанағынан шыққан әсем әуенді тыңдап өскен Әсемнің музыкаға қызығушылығы ерекше болды. Есік алдындағы сәкіге, кейде үйдегі көрпешелерді қатарластыра қойып, үстіне шығып ән салатын оған үйдегілер мәз болып қол шапалақтайтын. Оның жанарындағы өнерге деген шексіз махаббатты, құштарлықты сезе білген үлкендер өнер жолын таңдағанына еш қарсылық білдірген жоқ. Керісінше, шығар биігің аласармай, өнерің алға жүзсін деп ақ батасын берді.
Әсем Ерболқызы бүгінде Қызылорда қаласындағы Қорқыт ата атындағы университеттің, дәстүрлі ән факультетінің ІІІ курс студенті. Ол бүгінде түрлі өнер жарыстарына қатысып, жүлделі оралып жүр. Бұған дейін V халықаралық «Alash Star» байқауының дәстүрлі ән номинациясы бойынша бас жүлдені иеленсе, «Murager» дәстүрлі өнер жобасында «Дәстүрлі ән» номинациясы бойынша І орынды иемденген.
– Біздің шаңырақты өнерлі отбасы деуге болады. Ата-әжем де, әке-анам да өнерге жақын жандар. Қолдарына домбыра алып әуелеткенде құлақ құрышың қанып қалады. Олар әрдайым маған қолдау білдіріп отырады. Айтқан кеңестері маған өмірлік сабақ. Атам Мәжит Темірәлі көргені мол, қасиет дарыған ерекше жан еді. Маңдайымнан иіскеп, әрдайым ақ тілегін айтып, батасын беруші еді. Өнерпаз қызым деп айналатын. Ол кісі менің өнер жолын таңдауыма үлкен себепкер болды. Атамның әрбір айтқан сөздерінен қуат алатынмын. Атам өмірден өтіп кеткенімен, оның әрбір айтқан өсиеті жадымда сақталып тұрады. Ал әжем Жүсіпова Аманкүл көз қуанышым, шаңырағымыздың шаттығы болып ортамызда жүр, – дейді бойжеткен.
Тал шыбықтай майысқан, қасы көзі қиылған әдемі арудың ата әжесі туралы ерекше шабытпен әңгімелеуінен оның мейірімге қанып өскен ізгілік ілтипаты сезіліп тұрды.
Әкесі Ербол Жүсіпов мал шаруашылығына ден қойған. Анасы Айгүл Мырзанқызы бастауыш сынып мұғалімі. Тұңғыштары Өркен мен Көркемнен кейінгі қыздардың үлкені осы Әсем екен. Сондықтан да болар өзінен кіші сіңілдеріне қамқор, ағаларына қолқанат. Анасының да сырласы. Әкесі ұдайы «Қызғалдағым» деп еркелетеді. Әсемнен кейін інісі Сәкен, сіңілісі Әлия, Раяналар өмірге келіп қуантты. Өнердегі мақсаты жалпы ұлттық өнеріміздің өлмегендігін дәлелдеу, оны дамыту деп білетін аруға бағындырар биігің көп болсын дегіміз келеді.
Әйгерім МЫРЗАХМЕТОВА
Әсем Ерболқызы бүгінде Қызылорда қаласындағы Қорқыт ата атындағы университеттің, дәстүрлі ән факультетінің ІІІ курс студенті. Ол бүгінде түрлі өнер жарыстарына қатысып, жүлделі оралып жүр. Бұған дейін V халықаралық «Alash Star» байқауының дәстүрлі ән номинациясы бойынша бас жүлдені иеленсе, «Murager» дәстүрлі өнер жобасында «Дәстүрлі ән» номинациясы бойынша І орынды иемденген. – Біздің шаңырақты өнерлі отбасы деуге болады. Ата-әжем де, әке-анам да өнерге жақын жандар. Қолдарына домбыра алып әуелеткенде құлақ құрышың қанып қалады. Олар әрдайым маған қолдау білдіріп отырады. Айтқан кеңестері маған өмірлік сабақ. Атам Мәжит Темірәлі көргені мол, қасиет дарыған ерекше жан еді. Маңдайымнан иіскеп, әрдайым ақ тілегін айтып, батасын беруші еді. Өнерпаз қызым деп айналатын. Ол кісі менің өнер жолын таңдауыма үлкен себепкер болды. Атамның әрбір айтқан сөздерінен қуат алатынмын. Атам өмірден өтіп кеткенімен, оның әрбір айтқан өсиеті жадымда сақталып тұрады. Ал әжем Жүсіпова Аманкүл көз қуанышым, шаңырағымыздың шаттығы болып ортамызда жүр, – дейді бойжеткен.
Тал шыбықтай майысқан, қасы көзі қиылған әдемі арудың ата әжесі туралы ерекше шабытпен әңгімелеуінен оның мейірімге қанып өскен ізгілік ілтипаты сезіліп тұрды.
Әкесі Ербол Жүсіпов мал шаруашылығына ден қойған. Анасы Айгүл Мырзанқызы бастауыш сынып мұғалімі. Тұңғыштары Өркен мен Көркемнен кейінгі қыздардың үлкені осы Әсем екен. Сондықтан да болар өзінен кіші сіңілдеріне қамқор, ағаларына қолқанат. Анасының да сырласы. Әкесі ұдайы «Қызғалдағым» деп еркелетеді. Әсемнен кейін інісі Сәкен, сіңілісі Әлия, Раяналар өмірге келіп қуантты. Өнердегі мақсаты жалпы ұлттық өнеріміздің өлмегендігін дәлелдеу, оны дамыту деп білетін аруға бағындырар биігің көп болсын дегіміз келеді.
Әйгерім МЫРЗАХМЕТОВА
