28 жерде бақылау камерасы бар

  – Кент тазалығын сақтауда қоғамдық – көпшілік орындарда, жеке сауда алаңдарында тұрғындармен түсіндіру – насихат жұмыстары толастаған емес. Өйткені кент тазалығы – барлығымызға ортақ. Үлкен сауда алаңдары айналасын, тіпті жеке тұрғын үйлердің көше жақ бетін тазалауда қоғамдық қызмет өкілдерін тартып, тазалық жұмыстарын жүргіземіз.  Осыған әбден үйреніп алған халық айналаны таза ұстаудан өздерін тысқары сезініп, онымен қоймай жинап, тазалап кеткен жерге жаныашымастық танытып, әп – сәтте қайта ластап жатады.

      Қазақстан Республикасы Экологиялық Кодексінің 301 бабында күл – қоқысты көшеге тастап, ластауға заңмен тыйым салынған. Бұл мәселеде әркімнің ар – ожданына келіп тірелетін мәселе көп.  Ал ешкімнің жоқтығын пайдаланып, заң бұзғандарға алдағы уақытта шектеу қоюға тура келеді. өйткені қазірдің өзінде кент ішінде 28 жерде бақылау камералары орнатылған. Осы бейнебақылау арқылы тәртіп бұзушыларға шара көрілетін болады. Сондықтан бұл бағытта артық реніш, орынсыз өкпе – наз болмас үшін әрбір тұрғын тазалық мәселесінде талапты ережелерді сақтай  білгені жөн.
Алма Мамирова,
кент әкімшілігі бас маманы