Жаңақорған ауданының әкімі Ғ. Әміреевтің төрағалығымен Қазақстан Республикасының Президенті Н.Ә.Назарбаевтың 2018 жылғы 5 наурыздағы "Президенттің бес әлеуметтік бастамасы" атты халыққа үндеуінің негізгі міндеттерін түсіндіруге бағытталған аудандық идеологиялық актив отырысы өтті. Идеологиялық актив отырысында аудан әкімі Ғ.Әміреевпен қоса аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімінің басшысы Е. Сейілов, аудандық мемлекеттік кірістер басқармасының басшысы Ж. Талас, Жаңақорған аграрлы техникалық колледжінің директоры М. Ахметов және аудандық жұмыспен қамту орталығының басшысы Ж. Тұрлыбеков хабарламаларын жасап, "Президенттің бес әлеуметтік бастамасына" сәйкес аудан көлемінде атқарылатын жұмыстарға тоқталып өтті.