Жаңақорған аудандық сотының ұжымы Ұлы Отан соғысының ардагерін Жеңіс күні мерекесімен құттықтады

9 мамыр Ұлы Жеңіс күніне орай Жаңақорған аудандық сот төрағасының міндетін атқарушы Ә.Б.Түбекбаева мен кеңсе қызметкерлері Жаңақорған ауданы, Бірлік ауылының тұрғыны 1923 жылы туылған Құрбанов Найманбай  атамыздың  шаңырағында болып, ұжым  атынан арнайы құттықтады.1923 жылы туылған соғыс ардагері Найманбай ата 1942 жылы соғысқа аттанып, 1948 жылы елге оралғанын,  өзінің басынан өткен соғыс жылдарындағы ауыр кезеңдерімен, жаумен күресте Берлин қаласына дейін барғанын айтып,  ой бөлісті.
Аудандық сот төрағасының міндетін атқарушы Ә.Б.Түбекбаева ұжым атынан құттықтау сөз сөйлеп, Ұлы Жеңіс күні – тарих төрінен орын алатын, қуанышты да қайғылы, рухы биік мереке. Бұл мейрам –  соңғы демі қалғанша күрескен жанқияр ерліктің нәтижесі, Жеңіс жалауы желбіреген күн, халқымыздың ерлігі мен даңқының жарқын көрінісі болып табылады. Бүгінгі тәуелсіздік тұғырының берік, еліміздің өркендеуі мен бірліктің бұзылмас қамалы осынау мерекенің жемісі дей келе, алғысын айтып сыйлықтар табыстады.
Найманбай ата, бүгінгідей айтулы мерекеде барлық бастаған бастамаларыңыз оң жемісін беріп, Отанға адал, елге қайырымды, еңселеріңіз биік, мерейлеріңіздің үстем болуын тілеп, батасын берді.

Ақпарат: Жаңақорған аудандық сотының баспасөз қызметі.